康熙身高一米五 而且滿面都係「麻子」?

繼續同史友們研究探討一啲歷史難題，關於古代帝王嘅容貌好多時候都存在唔少爭議，事關存世嘅畫作好多時候都係經過帝皇嘅「審查」，所以只有好嘅先會留到落嚟。而歷史上就有一個疑題，到底康熙係咪身高一米五，而且滿面都生滿「麻子」呢？阿史今次就同大家講一講啦！

喺清朝嘅民間傳言，就流傳住康熙身高只得一米五，而且長相都唔俊帥嘅講法，咁到底呢個講法成唔成立呢？喺《清史稿》當中，就記載係康熙长相十分俊帅，身材高大嘅講法，之不過康熙係帝皇，就算係真嘅史官都唔敢寫落去。而喺由法國使者所寫嘅《中国现状》當中，都有提到康熙皇帝身高比一般人高；再加上後來對康熙皇帝衣服嘅研究，得出嘅結論係只有身高一米七嘅人先會著一米嘅衣長嘅衫。

至於康熙係咪成面都係「麻子」，其實康熙細個嘅時候就曾經患過天花，雖然經過治療之後就已經好返，但細個所留下嘅痘印都係無法消除，所以呢個講法好大機會係真！